લો પૂછો

કાચના માણસ આપણે, ઝૂરતાં લોહી ને લો લૂછો

આયનામાં ફૂટેલ આપણે, કંઈક ચાલો લો પૂછો

ખાલીખમ ધબકતા આપણે,ધબકી ના શકો લો શું છો

પાંખો વિણ પિંજ્રે આપણે, ભીતર ભાંગેલ લો પૂછો

----રેખા શુક્લ

આવજો

ઝાંકળ નો ય ભાર મૂકી ને આવજો

આંખ અને આંસુને ઝીણો સંબંધ

કે કોઇ પાસે નથી ને નથી દૂર.

પંખી ના પીંછે શબ્દો નો ભાર

મૂક્યા વિના હળવેક થી આવજો

ક્યાં સુધી ભજશું હોવાનો વેશ

તમે ખોબે અજવાળું લઈ આવજો

----રેખા શુક્લ

પતંગિયા

વણ ખુલ્યા હોઠ ફફડે પારેવડા ને થંભ્યા હિંડોળે પતંગિયા 

વેદનાના ઉગે જંગલ ને રઝળે સુર મોરલીએ પતંગિયા

લૂએ આંસુ ઓલા રાતરાણી ના ને છાનો ફફડાટ પતંગિયા

ગીત નો ટહુકો વાયરે ઉડે ભૂલૂ પડ્યુ સાનભાન પતંગિયા

---રેખા શુક્લ

હરિ હરિ

ડગર ડગર રમઝટ શબ્દો ની ને તારો વિચાર હરિ હરિ

લટક મટક તરકટ શબ્દો ની ને તારો ચિતાર હરિ હરિ

નજર અધર મરકટ શબ્દો ની ને તારો વિચાર હરિ હરિ

સ્મરણ સ્મિતે અસર શબ્દોની ને તારો વિચાર હરિ હરિ

બસ પાલવે ઉગે રોજ સવાર ને આથમે સ્મિતે હરિ હરિ

ન રાહ ન ચાહ કોઈની હવે મનવા સમજાવ તું હરિ હરિ

કહે હું તારી કા'ન,  તો આવે ખુમાર ખંજને જો હરિ હરિ

સોનેરી સુરખી ને તરુવર છે ચિતવન લટ ઉડે હરિ હરિ

----રેખા શુક્લ

ઘુઘરી દાંડીયે ફુંદડી ફરવા...

ઘુઘરી દાંડીયે ફુંદડી ફરવા...

આવ ને કાન રાસ રમવા આપણે સાથે જઈએ

પીળું પિતાંબર માથે છોગુ ને ખેસ પેહરી લેજે

વાળું મુજની વેણી સંગ લટો તું સંગઅંગ રહેજે

કેડે કંદોરો પગમાં પાયલ રસવંતો સંગ રહેજે

----રેખા શુક્લ

વાત છે

આતો તારામાં ખરવાની વાત છે

રસ્તામાં આ તો શમણાની વાત છે

મંજીલ દૂર તે અગલ એક વાત છે

બંધ આંખ એ  પડદા ની વાત છે

વ્હાલ ઝાંકળ નિશાનીની વાત છે

હોય શ્રધ્ધા તે આપણી વાત છે

---રેખા શુક્લ

અક્ષરી અંતાક્ષરી

ચરણ ચાંપી મૂંછ મરડી સૂર્ય કવિતા ને છેડે છે

ભીતરી સૌંદર્ય શબ્દો પેહરી અલંકાર રીઝવી છે

વિદેશની અટારીએથી માણસાઈના પ્રગટે દિવડાં

ને સૌરભ સંગ જ્યોત પ્રકટી  એકલતા અડે છે

ગુંજે હાસ્યમાં અક્ષરી અંતાક્ષરી ને કૄતિ કરે ડોકિયા

નિકટ લોચનિયે ઝલક પડે મૂંગા મંતર રીઝવે છે

-----રેખા શુક્લ