કંઈક તો કહે છે...!!!

કંઈક તો કહે છે

બંધ પડી બારી દરવાજા કંઈક તો કહે છે
સડકો પર પ્રસર્યો સન્નાટો કંઇક તો કહે છે

બંધ સિનેમા મોલ દુકાનો, ઉભી રેલ-બસો
શોરૂમો પર લટક્યા તાળા, કંઇક તો કહે છે

બહુ દિવસોની તરસી જે તરસ બુઝાવતી'તી
સૂકી નદીયો સૂના કિનારા કંઈક તો કહે છે

મળે ભલે એમને આશ્વાસન લાખ સરંક્ષણનું
ચિન્હો ગુંગળાય ગભરાટી કંઇક તો કહે છે

સૂરજ ચંદ્ર દંતકથાના બેશક બન્યા કિસ્સા
સાચા અંધારી રાત ના તારા કંઇક તો કહે છે

---- રેખા શુક્લ