ફોર્થ ફ્લોર ની બાલ્કની માંથી સુનીતા સાંજ પડે ત્યારે હાથ માં કોફી મગ લઈ ને રસ્તા પરની ચહલ-પહલ માણતી હતી. શ્રીમતી ની કીચન વીન્ડો માંથી ઉંચુ જુવો તો સુનીતા રોજ નજરે પડતી. રોજ હાથ હલાવી ને હાય ને બાય માં પતાવે. શ્રીમતી મોટે ભાગે કીચન માં જોવા મળે. પણ વેહલી સવારે અને આથમતી સાંજે પોતાની બાલ્કની માં ઉગાડેલા ગુલાબ ના છોડવા ને પાણી પાય.બાલ્કની ફરતે ની રેલિંગ પર મોટો મની-પ્લાન્ટ ચડાવેલો. ખૂબ માવજત કરી ને ઉછેરતા હતા. તેથી બધા આકર્ષીત થતા ને રસ્તે જનાર દરેક ની નજર પડતી. ઘરની સજાવટ માં સુશીલ શ્રીમતીજી ને ખૂબ સમજ પડે. ચીવટ વાળા પણ ખૂબ ,ખાતર નાંખે ને ક્યારેક ગણગણતા હોય કે પ્લાન્ટ સાથે વાતુ પણ કરતા જોવા મળી જાય. એ ભલા ને તેમનું ઘર ભલું. નવી નવી વાનગીઓ પણ પીરસવાનો શોખ ધરાવતા શ્રીમતી થી બધા ખુશ...કોન્ટીનેન્ટલ બ્રેકફાસ્ટ હોય કે લંચન ગેટ-ટુ-ગેધર હોય તેઓ સુંદર રીતે ગોઠવી ટેબલ સજાવે. આફટર ઓલ ઇટ અપીલીંગ ટુ ધ આઈ હોય તો જ વાનગી માણવી ગમે ને !! ડીનર માં ડેકોરેટેડ ડીઝર્ટ હોય ને લંચ સમયે ડેકોરેટેડ ફૄટ-ડીશ હોય.અદભૂત કળા કાર્વીંગ ધ ફ્રૂટ્ની જોઈ ઘણા તો ફોટા પાડવાનું ના ચૂકે.
એની-વે શ્રીમાન ને જૉઈને ગુડમોર્નીંગ ને જયશ્રીક્રૂષ્ણ કહે...ને દુપટ્ટો સરખા કરતા. હસે. ચાય-નાસ્તો ગરમ ઉતારતા હોય ત્યાં સુધીમાં શ્રીમાન ખુરશી માં બેઠા બેઠા છાપું વાંચતા જોવા મળે. વર્ષો નો આ જ ક્રમ આમાં કદી ફેરફાર ન થાય. શ્રીમાન ને માથે બહુ ઓછા વાળ જ્યારે શ્રીમતીજી બોબ-કટ માં ઘણા ક્યુટ લાગે. આજુબાજુ જોયા વિના એમના છાપા માં ફ્રાઉન ફેઈસ કરી ને શ્રીમાન વાંચતા જાય.જેમ જેમ વાંચે તેમ તેમ હૈયા ઉકળાટ કાંઢતા જાય...ક્યાંક લૂંટફાટ થઈ હોય તો તેમની ભૄકૂટિ તંગ થઈ જાય મોટા મોટા વાળ વાળા ભંવા જોઈ ને મારા જેવા ને એમ થાય કે ઉપર ચોંટાડ્યા હોય તો ટકલા તો ના જ લાગે !! જો જો પાછા તમે કંઈ ના કેહતા હો ! આગળ વધીએ તો ટૂંકા ઝભ્ભા લૅંઘામાં બેઠેલા છાપુ વાંચતા એટલે જ શ્રીમાન એમ જ બધા ઓળખે. રોજ ના બળાપા કરતા શ્રીમાન અંતરે અંતરે મમરો મૂકી ને ટીકા કરતા જાય. નેતાઓ પર સખત ગુસ્સો કરે રાજકારણ ની હેડલાઈન્સ મોટે થી વાંચે . શ્રીમતી જી હા સાંભળું છું, અરે પણ આપણે શું ? ઓકે સાંભળ્યું હો કેહતા જાય ને તેમના કામ પતાવતા જાય. અનેક જાતના ભાવ-વધારા, મોંધવારી ના સમાચારો, ગેસના ઉંચા ઉંચા જ્તા ભાવ, બાકી રહી ગયું હોય તેમ વાઈલ્ડ લાઈફ ના કેમેરામાં કેપ્ચર થયેલ વાઘ ના બચ્ચાં...!! ઓહોહો, માવા ને દારૂના નશામાં ધૂત નવરા યુવાનોએ કરેલો સમુહ બળાત્કાર ...શિવ શિવ શિવ કરતા ચૂપ થઈ જાય.
પાછા સ્ટોક્સ-બોન્ડ ના પત્તા પર નજર ફેરવે ન ફેરવે ને ધીરૂભાઈ નું ફલાણું-ઢીંકણું વાત કરવા માંડે...હજુ થોડી વાર થાશે... તેથી શ્રીમતી ટોપિક ચેંજ કરતા સિનેમા જગત ના સમાચાર પૂછે.છે. આમેય સિને-જગત ની બહોળી માહિતી વાળા શ્રીમાન નું ફેવરીટ પેઈજ હતું ખોલતા જ બોલી ઉઠ્યા "આપણી બિપાશા એ પણ લો લગ્ન કરી લીધા" શ્રીમતી જી ને કોઈ જ નવાઈ ન્હોતી લાગતી પણ ચાય ને ગરમા ગરમ મેથી ના ઢેબરા લઈ ને ટેબલ પર મૂક્યા, સાથે અથાણા ને ખીચું પણ પાછા લઈ ને આવ્યા. ને બોલ્યા "સુનિતા એ બનાવ્યું છે હો ભાવશે જ " બિપાશા ભૂલીને સુનિતા નુ નામ સાંભળી ચમક્યાં પાછા ભવાં તંગ કરતા તાડુક્યા જ જાણે..." કેમ ! એને શું જોઈએ છે તે બહુ ડાહી થાય છે તે ?" "મને એના મનની શી ખબર હોય તમ તમારે દબાવો ને !"બોલી ત્યાં તો નાસ્તો લેતા શ્રીમાન વદયા " રણબીર ને છોડી ને કટરીના કૈફ પણ ગઈ!! શું કરવા ગઈ હશે એ છોડી ?" આમ ઉપાડ્યા ઢેબરા ને મોટો ચમચો ભરી ને લીધું ખીચું ને જમવા
લાગ્યા. "તમારા આવા ભાતભાતના સવાલો ના મારી પાસે ક્યાંથી જવાબ હોય સૌને ગમે તેમ કરે એમાં પણ આપડે શું ?" ચાય કીટલી માંથી પોર કરતા તે બોલ્યા ને પોતાનું મનપસંદ પેઈજ
"હું શાણી ને તું શકરાભાઈ" ને પાછળ ની કોમિક્સ વાંચવા ઉત્સુકતા સહ ટેબલ પર બેસી ગયા. પંદરેક મિનીટ માં વાંચી ને ઉભા પણ થઈ ગયા ને પોતાના કામ માં લાગ્યા...ત્યાં તો શોખીન
જીવડા શ્રીમાન જી કવિતા નું પત્તુ ખોલી ને મોટેથી વાંચવા લાગ્યાં...!વાંચતા વાંચતા જ શ્રીમાન છાપુ લઈ ને બાથરૂમ તરફ વળ્યા અને શ્રીમતીજી બાલ્કની તરફ ફર્યા.
એમને બધા ન્યુઝ માં કંઇક ને કંઈક વાંધો લાગે તો શા માટે છાપું વાંચતા હશે તે જ ના સમજાય..સાચે જ જેને વાંચવું જ હોય તો તેને તો કેટલુંય વાંચવાનું મળી રહે. હા એમને ધર્મ ના
ચોપડા આપો તો હમણાં નહીં કાલે... કાલે નહીં પરમ દિવસે કરીને ગલ્લા તલ્લા કરીને રવાડે ચડાવે. બાકી જે વાંચે તેમાનું ક્ંઈ આચરે પણ નહી. શ્રીમાન ને ઘડીએ પડીએ ગોવિંદ બોલો
હરી ગોપાલ બોલો ગાતા સાંભળતા હવે આજે શ્રીમતીજીથી ના રેહવાયું ને બોલ્યા એ ગોવિંદ બોલો કે ગોપાલ બોલો જમવાનું જોઈતું હોય તો વટાણા ફોલો. લ્યો આ થાળી ને આ રહ્યા વટાણા.
ને મને થોડું કંઈક યાદ આવ્યું તે હું ટપકાવી ને પાછી આવું છું હો જો જો પાછા ભૂલી ના જતા હોં !
વાવાઝોડું ઉઠે વંટોળ લૈ વિચારનું વમળ...!!!અધરે ઝુલતા પ્રશ્નો ના કેમ નથી હોતા જવાબો?
સાચું બોલવું કેમ કે જુઠું બોલવું તે પાપ છે....
ક્રુત્રિમતા દેખાડી ને તોય ડીપ્લોમેટીક બનવું ?
સડા હક્ક ઐથે રખ્ખ...!! નિયમ કેમ બદલાતા રહે?(રોક સ્ટાર)
નેચરના રક્ષક જ નેચરના ભક્ષક કેમ રહે?
પ્રેમ-ધરમ-ને કર્મ નું ફળ બધા માટે કેમ ન રહે?
આશુતોષ પર્વત પર ગંગાને શિર પર ધારી રહે?
પાર્વતીજી બેઠા પુત્ર ઝુલાવે ગણપતિ નાનેરું બાળ રહે?
મગરૂર અને મહાપાપી ને વરદાન કેમ મળતા રહે?
સંતાપના વમળે ડુબવા ને લઈ ઝુલતો પતંગ રહે?
સંવેદના ને હર્ષની ઉજાણી ની નાનકી ડાયરી રહે?
વિપતના વાદળા-સંઘર્ષણ ની વિજળીની ડીક્ષનેરી રહે?
ડુબાડી દે ફુલડાં જગતના કેમ પથ્થરો તરતા રહે?
વિશ્વ શાંતિ ઝંખે છે એના નામે દંગા કેમ થાતા રહે?
દ્રષ્ટાંત નો ફોટો મ્યુઝિયમમાં અકબંધ ફ્રેમમાં મળે?
સાચવી રાખવા કુમળા રિશ્તા ક્યારેક તો સમય મળે?
શ્રધ્ધા ને ભક્તિ આલિંગન મનોમન ક્યારેક તો ફળે?
હંસલા ને બગલા નદી કિનારે, બંધ પાર્કમાં મજા મળે?
ત્રિવેણી સંગમ નો મળે સમન્વય તેવો બસ આભાસ મળે?
સુરક્ષિત, સુંદરતા ને સૌમયતા તો ક્યારેક અહીં સળવળે?
છુંદાય, કરમાય ને લુંટાઇ જાય બાળ-પણ ભડકે બળે?
નશામાં ધુત યુવાન પૈસા ખંખેરે ક્યારેક તો કળ વળે?
તુ દુર છે કે પાસ હું ક્યારેક તને અરિસો મળે?
ઠંડાગાર બરફમાં બધું ખોવાઈ જાય જ્યારે તું મળે?
કહે ને ક્યાં છે તું..? ક્યાં મુજને મળે?
વ્રુંદાવનમાં કે મથુરામાં કહે છે સૌ કે અહીં મળે?
નજરું થાય બંધ તે પેહલા જોવું છે તું મળે?
નજરું નહીં મળે તો અહલ્યા જ અહીં મળે?
અવિનાશ ચારેકોર, સ્વર્ગ પ્રુથ્વી પર મળે!!
-રેખા શુક્લ
